Леведышым лум деч эрыктыме годым правилым шукташ кӱлеш
Республикысе кугыжаныш паша инспекций пӧрт леведышым лум да ий деч эрыктыме годым правилым шукташ кӱлмӧ нерген ушештара. Лум шукемме дене тудын леведыш гыч мунчалтен волымо да эҥгекым конден кертме лӱдыкшо кугемеш. Сандене Республикысе кугыжаныш паша инспекций организаций да виктарыше компаний- влаклан эрыктыме годым лӱдышыдымылык мерым шуктымо нерген шижтара. Леведышым эрыкташ 18 ийым темыше, кӱкшытыштӧ пашам ышташ тунеммашым да инструктажым эртыше, пашам аралыше йодмашым палыше пашазе- влакым гына пуртыман. Кӱшычын лумым кышкыме годым пашам ыштыше еҥынат, ӱлнӧ коштшо еҥынат лӱдыкшыдымлыкыштым эскерыман. Пашазе- влакын аралалтме средствышт, посна вургем ден йолчиемышт лийшаш. Пашам тӱналме деч ончыч допуск-нарядым возыман, шижтарыше знакым да чарыше авыртышым вераҥдыман. Авыртыш воктене шижтарен шогышо еҥ- влак лийшаш улыт.
