Республикыштына тӱшка транспортым уэмдымаш умбакыже шуйна

Республикыштына тӱшка транспортым уэмдымаш умбакыже шуйна
             Республикыштына тӱшка транспортым уэмдымаш умбакыже шуйна. Троллейбус паркыш автономно коштын кертше у «Авангард» тролейбусым кондымо. У технике инфраструктура бюджет кредит кӱшеш кондалтеш.  Кугыжаныш контрактым вич  у тролейбусым налаш пеҥгыдемдыме. Тиде пашалан 123 миллионат 800 тӱжем теҥгем ойырымо. У троллейбус- влак инвалид- влаклан келыштаралтыныт, южтарыме системыже, видеоэскерымашыже, ГЛОНАСС спутник навигацийже уло. Транспортыш 100 наре еҥ пура. Автономно кок меҥгым каен кертеш. Ончычырак республикым вуйлатышын кӱштымыжӧ почеш 90 у автобусым налме ыле. Россий транспорт министерствын полшымыжо дене 2030-шо ий марте троллейбус- влакым уэмдыме шотышто кугыжаныш полышын у мерыже- влак ямдылалтыт.
           Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски