Российын транспорт министерствыже Марий Эллан тӱшка транспортым уэмдаш полша
Российын транспорт министерствыже Марий Эллан тӱшка транспортым уэмдаш полша. Российын транспорт министрже Роман Старовойт Марий Элым вуйлатыше Юрий Зайцев дене пашаче вашлиймашым эртарен. Нуно Марий Элын транспорт инфраструктурыжым да корно озанлыкым вияҥдыме шотышто тӱҥ проект- влакым каҥашеныт. Мутлан, троллейбус- влакым уэмдыме нерген ойлымо Таче кечылан электротранспортын кокла ийготшо- 28 ий, троллейбус парк 90 процентлан тоштемын. Кызыт 2030-шо ий марте кугыжаныш полышын у мерыже- влак ямдылалтыт. Россий президентын кӱштымыжӧ почеш тӱшка транспортын 85 процентше норматив дене келшен толшаш. Российын транспорт министерствыже тиде йодыш дене тӱрлӧ велымат полшаш тӱҥалеш.
Вашлиймашыште «Качестван лӱдыкшыдымӧ корно» калыкле проектым шыҥдарыме йодышымат каҥашыме. 2023-шо ийыште республикыште 41 процент утла регион да муниципал кокласе кӱкшытан корным норматив марте шуктымо. А план почеш 35, 35 процент лийшаш ыле. 196 меҥгылан шукырак ыштыме. Тений норматив дене келшен толшо регион кӱкшытан корным 44 утла процент марте шукташ палемдыме. Республикым вуйлатыше тыгак Йошкар-Ола аэропортын терминалжым чоҥымо ден чоҥештен кӱзымӧ да волен шичме полосам пужен ыштыме пашам синхронно шукташ кӱлешлык нерген ойлен. Кызыт тиде пашам «Пайдале транспорт системе» у калыкле проектыш пуртымо шотышто да келшыше оксам ойырымо йодыш ончалтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Вашлиймашыште «Качестван лӱдыкшыдымӧ корно» калыкле проектым шыҥдарыме йодышымат каҥашыме. 2023-шо ийыште республикыште 41 процент утла регион да муниципал кокласе кӱкшытан корным норматив марте шуктымо. А план почеш 35, 35 процент лийшаш ыле. 196 меҥгылан шукырак ыштыме. Тений норматив дене келшен толшо регион кӱкшытан корным 44 утла процент марте шукташ палемдыме. Республикым вуйлатыше тыгак Йошкар-Ола аэропортын терминалжым чоҥымо ден чоҥештен кӱзымӧ да волен шичме полосам пужен ыштыме пашам синхронно шукташ кӱлешлык нерген ойлен. Кызыт тиде пашам «Пайдале транспорт системе» у калыкле проектыш пуртымо шотышто да келшыше оксам ойырымо йодыш ончалтеш.
Фото: Марий Элым вуйлатышын администрацийжын увер дене пашам ыштыше пӧлкаже.
