Марий Элым вуйлатыше Юрий Зайцев СВО-н участникше- влак да нунын ешышт дене вашлийын
Теҥгече Марий Элым вуйлатыше Юрий Зайцев СВО-н участникше- влак да нунын ешышт дене вашлийын. Мутланымаш калыкле сӱрет галерейыште эртен. Регионым вуйлатыше боец- влаклан илыш ден тазалыкыштым чаманыде, награде верч шоныде шке порысыштым чын шуктымыштлан таум каласен. Вучымо да кӱлешан миссийым шуктынем манын тудо- доброволец- влаклан боевой действийын ветеранжын удосотоверенийым кучыктынем. Нимом ончыде те эн ончыч элнам аралаш каенда. Но доброволец, военнослужащий да мобилизоватлыме- влаклан-чылалан икгай условий лийже манын кужун вучашда логалын. Кажныда тидым шке сусыргымыжо, тазалыкше дене, но илышыже денат сулен налын. Вашлиймашыште республикым вуйлатыше участник- влакын йодышыштлан вашештен да доброволец- влаклан боевой действийын ветеранжын удостоверений ден медальым кучыктен. Юрий Зайцев тыгак Российын Геройжо, младший лейтенант Анатолий Иванов дене вашлийын да службыжлан лично тауштен. Анатолий Иванов Куженер районышто шочын, Россий Армийыште 2001-ше ий гыч служитла. Службым Чечняште, Сирийыште, Абхазийыште, Крымыште эртен. СВО-што икымше кече гычак участвоватла. Российын Президентше Владимир Путинын Указше дене тений 30-шо майыште Анатолий Ивановлан «Шӧртньӧ шӱдыр» медальым кучыктымо да Российын Геройжо званийым пуымо. Тиддеч посна тудым Мужество Орден, «За воинскую доблесть» кокымшо степенян медаль дене наградитлыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
