Республикыштына тений саска лектыш 2021-ше ий теме таҥастарымаште 30 процентлан шукырак
Республикыштына тений саска лектыш 2021-ше ий теме таҥастарымаште 30 процентлан шукырак. Аграрий- влак 135 тӱжем тонн саскам поген налаш шогат. Тидыже 2021-ше ийысе деч 30 процентлан шукырак. Тидын нерген ял озанлык да кочкыш сату министерствын пресс-службыжо увертара. Тидымат палемдыме, тений республикыштына игече шотышто нелырак условий лийын гынат, ял озанлык кульутро сай лектышым пуэн, 242 тӱжем тонн пареҥгым погымо. Тидыже ныл ий ончычсо деч 14 тӱжем тоннлан шукырак. Икымше октябрьлан шотлымаште Марий Элыште 383 тӱжем тонн пырчым шийын налме. Тидыже кодшо ийысе деч 83 тӱжем тоннлан шукырак. Кокла лектыш ик гектарлан шотлымаште 30 центнер дене лектын але кодшо ийысе деч 8 центнерлан шукырак. Чыла пырчан да отызан культурын лектышыже ик гектарлан шотлымаште 3-12 центнерлан утларак, а кушкыл ӱйым пуышо культуро 6 центнерлан шукырак, кокла лектышыже ик гектар гыч 16 центнер шотлалтеш.
Фото: @yvzaitsev
Фото: @yvzaitsev
