Йошкар-Ола кундемысе Изи Какшан эҥерын пундашыжым келгемдат
Йошкар-Ола кундемысе Изи Какшан эҥерын пундашыжым келгемдат. Кызыт марте олаште утларак вӱд налме кундемлан Ширяйково микрорайон шотлалтеш. Вӱд шарлыме тӱҥ амалжылан эҥерын куашеммыже, плотина деч ӱлыкыла тӱрлӧ куштыран, сӱмырлышӧ пушеҥгын погынымыжо шотлалтеш. Йодышым виктарен колташ манын 2017-ше- 2019-ше ийлаште марий аварийно- утарыше служба, «Маргеомониторинг», Юлтех эҥерын плотина деч «Вятка» федерал кӱкшытан автомобиль корно марте ужашыжым тӱжвач ончен да водолаз- влак полшымо дене терген лектыныт. Рашемдыме: вӱд кадыргыл йога, сӱмырлышӧ пушеҥге ятыр, куштыра шуко погынен. Тидыже вӱдлан йогаш чаракым ышта да вӱд шарлымашке конда. Чылаже вӱдыш пурен кайыше тӱжем нылшӱдӧ утла предметым шотлымо. Тидыже кок тӱжемат 114 кубометр лиеш.
Тыге, 40 илыме пӧртым, кум пачашан школым, кок пачашан «Рябинушка» йоча садым да моло социал объектым арален кодаш манын 2022-шо ийыште эҥер корным регулироватлыме проектым ямдылыме. Вӱдшор деч аралалтме экономически пайдале вариантлан шым меҥге утла кужытышто пундашым келгемдымым, погынышо куштырам эрыктымым, кок верыште вӱд корным тураҥдымым, эҥер серысе аварийный пушеҥге- влакым кораҥдымым ойырен налме. Мероприятийым 2025-ше гыч 2028-ше ийлаште шыҥдараш палемдыме. Кызыт начар пушеҥге- влакым кораҥдыме да пундашым келгемдат. Келгемдыме 50 метр кужытышто гына автомобиль шине- влакым, вӱд йымалсе пушеҥгым, велосипед рамым, диваным, газ баллоным да шуко молымат луктедыме.
Фото: Татьяна Курмаева / «ВП» архив
Тыге, 40 илыме пӧртым, кум пачашан школым, кок пачашан «Рябинушка» йоча садым да моло социал объектым арален кодаш манын 2022-шо ийыште эҥер корным регулироватлыме проектым ямдылыме. Вӱдшор деч аралалтме экономически пайдале вариантлан шым меҥге утла кужытышто пундашым келгемдымым, погынышо куштырам эрыктымым, кок верыште вӱд корным тураҥдымым, эҥер серысе аварийный пушеҥге- влакым кораҥдымым ойырен налме. Мероприятийым 2025-ше гыч 2028-ше ийлаште шыҥдараш палемдыме. Кызыт начар пушеҥге- влакым кораҥдыме да пундашым келгемдат. Келгемдыме 50 метр кужытышто гына автомобиль шине- влакым, вӱд йымалсе пушеҥгым, велосипед рамым, диваным, газ баллоным да шуко молымат луктедыме.
Фото: Татьяна Курмаева / «ВП» архив
