Российын просвещений министрже Марий Элын Правительствыжлан «Туныктыш» калыкле проектым шыҥдарымыжлан кӱкшӧ акым пуэн
Российын просвещений министрже Марий Элын Правительствыжлан «Туныктыш» калыкле проектым шыҥдарымыжлан кӱкшӧ акым пуэн. Теҥгече Марий Элын кечыже- влак кышкарыште Марий Элым вуйлатыше Юрий Зайцев Российын Просвещений министрже Сергей Кравцов дене вашлийын. Министр палемден: республикыште туныктымо система сайын вияҥеш, «Туныктыш» калыкле проектыште Россий Президентын шындыме чыла задаче шукталтеш. Туныктышо- влаклан пашадар жапыштыже тӱлалтеш, тӱҥалтыш школышто тунемше- влак шокшо кочкышым кочкыт, школ, йоча сад- влак чоҥалтыт. Вашлиймаш сай лектышан лийын. Республикым Просвещений министерствын 2024-ше 2026-шо ий- влаклан ола деч ӧрдыжсӧ лагерьлаште куштылгын нӧлтымӧ конструкций- влакым да пищеблок ден медпунктлам чоҥаш программышкыже пуртымо. Тиддеч посна Сергей Кравцов республикыште школ- влакым чоҥен пытараш кӱлеш полышым пуаш решенийым луктын.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
