Российын сулло сӱретчыже шке лӱмгечыжым лӱман ончерже дене палемден
Российын сулло сӱретчыже шке лӱмгечыжым лӱман ончерже дене палемден. Тӱссымыктыш тоштерыште Евгений Ярановын посна выставкыже почылтын. «Жапын капка шеҥгелныже» экспозиций мастарын 75 ияш лӱмгечыжлан пӧлеклалтын. Евгений Герасимович 1950-ше ийыште Морко районысо Усола ялыште шочын. Шочмо кечыже да ончер проектым почмо дене тудым Марий Эл Кугыжаныш Погыным вуйлатыше Михаил Васютин саламлен. Лӱмгече экспозиций мастарын шуко шӧрынан талантшым тичмашын почын пуа,- каласен тудо. Тыгак сӱретчым пашажлан ӱшанле улмыжлан, республикысе тӱвырам вияҥдымашке пыштыме кугу надыржылан тауштен да эше мучашдыме усталык кумылым тыланен.
Фото: Марий Эл Кугыжаныш Погын.
Фото: Марий Эл Кугыжаныш Погын.
