Курык марий районысо Микрак селаште йоча садым почмо
Курык марий районысо Микрак селаште йоча садым почмо. Туныктышо- влакын тӱнямбал кечышт вашеш Марий Эл кугыжаныш Погыным вуйлатыше Михаил Васютин тиде селашке миен. Амалже семын верысе школым капитально олмыктымеке тудын подразделенийже- 45 верлан школ деч ончычсо группым торжественно почмаш лийын. Кызытсе жаплан келшыше йоча садым почмаш кеч- могай илемланат тиде кугу событий. Тушто ньога- влакым шуараш чыла йӧным ыштыме. Самырык еш- влаклан тиде эрласе кечылан ӱшан, ласкан пашам ышташ йӧн. Молан манаш гыч нуно палат- икшывышт лӱдыкшыдымӧ верыште улыт, нуным профессионал воспитатель- влак ончат,- каласен Михаил Васютин. Варарак верысе тӱвыра пӧртыштӧ марий парламентым вуйлатыше районысо туныктышо- влак дене вашлийын да нуным профессионал пайремышт дене саламлен, сулен налме наградым кучыктен. Законодательный органын тауштымашан серышыже дене Пайскырык школын директоржо Елена Оплеева ден Кузнецово школ вуйлатышын пашажым шуктышо Ольга Микрякова палемдалтыныт.
Фото: Марий Эл Кугыжаныш Погын.
Фото: Марий Эл Кугыжаныш Погын.
