СВО-н ветеранже ден участникше- влакым туныктымо «Марий Элын Геройжо- влак» регионысо кадр программым торжественно почмо

СВО-н ветеранже ден участникше- влакым туныктымо «Марий Элын Геройжо- влак» регионысо кадр программым торжественно почмо
          Йошкар-Олаште СВО-н ветеранже ден участникше- влакым туныктымо «Марий Элын Геройжо- влак» регионысо кадр программым торжественно почмо. Марий Элым вуйлатыше Юрий Зайцев погынышо- влакым саламлышыла ушештарен: регионысо кадр программе Российын Президентше Владимир Путинын «Герой- влакын жапышт» инициативыжым шуйымаш улеш. Тений шошо гыч кугу пашам шуктымо. Тудын лектышыже семын икымше программыш погымо еҥ- влакым рашемдымаш лийын. Тендан кокла гыч кажныже шке пашаже, тыршымашыже, ӱшанле улмыжо дене пеҥгыдемден ончыктен: те умбакыжат ачамландылан чынжымак служитлш ямде улыда,- каласен Юрий Зайцев.
           Программын наставникше радамыш Правительствын, Республикым вуйлатышын администрацийжын, исполнительный, законодательный да муниципал кучем органлан вуйлатышышт пуреныт. Нуно герой- влаклан шке моштымашыштым шыҥдараш тӱрлӧ велымат полшен шогат. «Марий Элын Геройжо- влак» кадр программе СВО-н ветеранже да участникше кокла гыч кӱкшӧ квалификациян кадр- влакым ямдылаш да вара пашаш пурташ виктаралтын. Курсыш ныл тунемме модуль пура, тӱшка тунемме кужытшо 502 шагат. Чылаже 190 йодмашым пуымо ыле. 29-ше сентябрь гыч ойырымашым эртыше 19 участник тунемаш тӱҥалын. Ойырымашым эртыше эше 14 участник передовойышто улеш да резервыш пурталтын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски