Марий Элын сборный командыже кеҥежымсе ял спорт модмашке Угарман областьыш кая

Марий Элын сборный командыже кеҥежымсе ял спорт модмашке Угарман областьыш кая
             Марий Элын сборный командыже кеҥежымсе ял спорт модмашке Угарман областьыш кая. У Торъялыште Россий кӱкшытан кенежымсе ял спорт модмашын республикысе йыжыҥже лийын. Таҥасымашыште республикысе муниципал образований-влакын командышт ӱчашеныт. Программыште волейбол, куштылго атлетике, мини-футбол, спорт еш- влакын таҥасымашышт, ушкал лӱштышӧ ден 
механизатор- влакын многоборьешт лийыныт. Таҥасымашын лектышыже почеш эн сайлан шотлымо: «Механизатор- влакын таҥасымашыштышт» ӱдырамаш- влак коклаште Медведево район гыч икымше верым Смирнова, Советский район гыч кокымшым Маркова налыныт. Пӧръеҥ- влак коклаште Куженер район гы икымше вер Марковлан, кокымшо Медведево кундем гыч Смирновлан, кумшо Куженер кундем гыч Мамевлан логалын. Ушкал лӱштышӧ- влакын троеборьештышт личный первенствыште пӧръеҥ- влак коклаште Советский гыч Виктор Ельмекеев, ӱдырамаш- влак коклаште Килемар гыч Елена Матвеева сеҥеныт. Таҥасымашын лектышыже почеш сеҥыше- влак гыч сборный команде чумыралтеш. Тудо республикын чапшым Угарман областьыште Россий кӱкшытан 14-ше кеҥежымсе ял спорт модмаште 15-ше гыч 20-шо октябрь марте аралаш тӱҥалеш.
           Фото: Ял озанлык министерстве.

Прошлые выпуски