Российыште Ешын талукшо 19-ше январьыште почылтеш
Российыште Ешын талукшо 19-ше январьыште «Россий» выставкыште «Родные- любимые» еш форум дене почылтеш. Тидын нерген Россий правительстве вуйлатышын алмаштышыже Татьяна Голикова увертарен. Тудо палемден: тӱҥ задаче - «кугу еш деке пагалымашым пӧртылтымаш» да « ешын шергакан улмыжым пеҥгыдемдаш полшымаш». Тенийсе ийым ешлан пӧлеклыме шотышто указым Российын Президентше Владимир Путин 22-шо ноябрьыште пеҥгыдемден ыле. Тудо ешын акшым арален кодаш да переген шогаш манын ышталтын.
