Йошкар-Олаште 2025-ше ийлан тӱзландарышаш кумдык- влак шотышто темлымаш- влакым налыт
Йошкар-Олаште 2025-ше ийлан тӱзландарышаш кумдык- влак шотышто темлымаш- влакым налыт. Рӱдӧ олаштына «оласе йӧнан кумдыкым ыштымаш» федерал проектым шыҥдарымаш умбакыже шуйна. Тӱзатыме кумдык- влак коклаште Сеҥымаш Парк, Чавайн бульвар, Рӱдӧ каныме паркыште спорт площадке, Марий Парк, кӱртньӧ корно пашаеҥ- влакын скверышт да молат улыт. Кызыт рӱдӧ олаштына 2025-ше ийыште тӱзаташлан у кумыдк- влакым ойырен налыт. Объект- влак шотышто оласе калык деч темлымаш- влакым 2-шо февраль марте вучат. Темлымашым ола администрацийыш возен пуыман але электрон почтыш колтыман. Серышыште темлымашым пуышо еҥын фамилийже, лӱмжӧ, ачалӱмжӧ, илыме адресше, тӱзландарышаш кумдык нерген увер. Лӱмжӧ, кушто верланымыже ончыкталтшаш.
