Марий Эл Российын Президентшылан кандидат Владимир Путиным темлымым поддержатлыше икымше тӱшка кидпалым Рӱдӧ сайлыме штабыш колтен
Шочмын 8-ше январьыште округысо моло 13 регион дене пырля Марий Эл Российын Президентшылан кандидат Владимир Путиным темлымым поддержатлыше икымше тӱшка кидпалым Рӱдӧ сайлыме штабыш колтен. Подписьым погымаш умбакыже шуйна. 22-шо декабрь гыч республикысе калык шке кидпалыштым Регионысо сайлыме штабыште, Калык фронт пӧлкаште, кугу ужалкалыме рӱдерлаште Йошкар-Олаште да Волжскышто, чыла муниципалитетыштат вӱдышӧ партийын первичный пӧлкаштышт коден кертыт. Вара кандидатын ӱшан еҥже- влак подпись- влакым пеҥгыдемдат. Кидпалым январь мучаш марте погат. Таче кечылан 58 субъектыште погымо икымше тӱшка подпись- влакым штабыш колтымо. Кызытеш ик миллионат 300 тӱжем кидпалым чумырымо. Визымше январьыште Рӱдӧ сайлыме комиссий сайлымашке ушнашлан икымше кандидат- влак Леонид Слуцкий ден Владислав Даванковым регистрироватлен. Россий Президентым сайлымаш тений 15-ше гыч 17-ше март марте эрта.
Фото: Михаил Сергеев. Марийская правда.
Фото: Михаил Сергеев. Марийская правда.
