Руш драма театрым у директор вуйлаташ тӱналын
Руш драма театрым у директор вуйлаташ тӱналын. Константинов лӱмеш Руш академический драма театрыште у директор дене палымым ыштеныт. Тиде марте вуйлатышын пашажым шуктышо Владимир Мишарин У ий вашеш шке постшым коден каен. Тудо театрыште 2021-ше ий 3-шо декабрь гыч 2022-шо ий 30-шо декабрь марте пашам ыштен. Директорын пашажым жаплан шукташ тымарте Шкетан лӱмеш марий драма театрын директоржын алмаштышыжлан тыршыше Валерий Иванович Андреевлан ӱшаныме. Палымым ыштыме церемонийыште театрын художественный вуйлатышыже Владислав Константинов театр умбакыжат вияҥаш тӱналеш манын ӱшаным каласен. Валерий Андреев шке велымже ончылно да театр коллектив ончылно шындыме задачым виктараш ямде улмыжо нерген ойлен.
Фото: Г.Константинов лӱмеш Руш драма театр.
Фото: Г.Константинов лӱмеш Руш драма театр.
