Самырык фигуристке- влак сеҥыше радамыште улыт
Марий Эл гыч самырык фигуристке- влак Киров олаште сеҥыше- влакын пьедесталыш нӧлталтыныт. Дарья Садкова ден Агнета Латушкина коньки дене фигурнын мунчалтымашын 2020-шо 2021-ше ийысе тургымыштыжо Российын кубкыштыжо таҥасат. Нуно Киров олаште ӱдыр- влак коклаште кодшо кечылаште эртыше регион- влак кокласе кӱкшытан таҥасымаште призовой вер- влакым налыныт. Россий спорт мастерыш кандидат- спортсмен- влак коклаште кок программын лектышыже почеш Дарья Садкова кокымшо лийын, а Агнета Латушкина кумшо верыш лектын. Икымше верым Екатеринбург ола гыч Вероника Яметова налын. Таҥасымаште КМС разряд дене 27 спортсменке ӱчашен. Мемнан кок спортсменкыжат Российын первенствышкыже ушнаш отборым эртеныт.
