Таче Российысе студент- влакын кечышт палемдалтеш
Таче Российысе студент- влакын кечышт палемдалтеш. Вузлан, техникум ден колледжлан студентышт ден преподавательыштым Республикым вуйлатыше Александр Евстифеев тиде пайрем дене саламла. Студент пагыт эн пиалан да шарнаш кодшо, у да оҥай событий дене темше пагыт. Тиддеч посна тудо илышын кӱлешан йыжыҥже. Шкевуя ыштен моштымо, ответственность да пашам йӧратыме дене ончыкылык пашаште сеҥымаш- влак чак кылдалтыныт. Самырык тукым кугыжанышын ӱшанже да эҥертышыже улеш. Кызыт самырык- влаклан шонымашыштым илышыш шыҥдараш чыла йӧн ышталтеш: тунемме тӧнеж- влакын материально- технический базышт пеҥгыдемеш, бюджет- вер- влак ешаралтыт, тунемме у корно- влак почылтыт, студент премий- влак ышталтыт. Самырык тукым тиде йӧным пайдалын кучылтшаш да чапле шинчымашым налшаш, шочмо кундем верч тыршен пашам ыштышаш. Чылалан йӧнеш толмашым, пиалым, кугу сеҥымашым да ӱшанле йолташ- влакым тыланем,- ойлалтеш республикым вуйлатышын саламлымашыштыже.
