«Самырык профессионал- влак» 9-ше виш чемпионат почылтеш
Республикыштына икымше мартыште «Самырык профессионал- влак» Регионысо 9-ше виш чемпионат почылтеш. Кодшо кечылаште чемпионатын оргкомитетшын заседанийже лийын. Тудым Марий Эл Правительстве председательын икымше алмаштышыже Михаил Васютин вӱден. Погынымаште министерстве ден ведомствылан вуйлатыше ден алмаштышышт, туныктыш министерствын, квалификацийым вияҥдыме методик рӱдерын, профессионал туныткышо организацийлан еҥышт лийыныт. Тушто чемпионатым эртарыме радамым, конкурс площадке- влакын ямде улмыштым, чемпионатлан оксам ойырымо, увер средствыште таҥасымаш нерген каласкалыме йодыш- влакым каҥашыме, чемпионатын программыж дене палыме лийме.
