Самырык спортсмен- влак кинолог- шамычын ныл йолан коллегышт дене палыме лийыныт
Самырык спортсмен- влак кинолог- шамычын ныл йолан коллегышт дене палыме лийыныт. Республикысе олимпий резерв спорт школышто шуаралтше- влаклан кинологий службын базышкыже экскурсийыш ямдыленыт. Эн ончыч ӱдыр-рвезе- влак рӱдерын служебный пийже- влак дене палыме лийыныт: немыч овчарке, лабрадор, спаниель, ротвейлер да моло урлык денат. Самырык спортсмен- влаклан пийым кузе ойырен налме, тӱналтыш тергымаш, мо дене пукшат, могайрак нунын койышышт нерген каласкаленыт. Йоча- влак кузе нуным тренироватлыме да осал пашам почмаште кузе полшымышт нерген пален налыныт. Рӱдерым вуйлатыше Алексей Станкевич ден инспектор- кинолог Александр Онучин пий- влакын профессионал мастарлыкыштым ончыктеныт. Тыгак кинолог- влак пий-шамычын командым кузе шуктымыштым ончаш йӧным ыштеныт.
Фото: Марий Эл МВД .
