Семёновка селасе Архипов лӱмеш школышто олмыктымо паша кая
Семёновка селасе Архипов лӱмеш школышто олмыктымо паша кая. Тудо «Самырык тукым да йоча-шамыч» калыкле проектым шыҥдарымылан кӧра лийын кертын.- увертара ола мэрын пашажым шуктышо Антон Трудинов. Шуктымо паша урем гычат коеш. Подрядчик- влак фасадым шокшемдат, тошто окна- влакым вашталтат. Зданий кӧргыштат рончымо паша- влак каят. Тиде татым Семёновкысо школ шукертсек вучен. Зданийым 1949-ше ийыште чоҥымо, но капитально ик ганат олмыктымо огыл. Мутат уке, тыглай куштылго да полшышо ачалыме пашам ыштыме. Но тоштемше коммуникацийым вашталташ, фасадым уэмдаш, тунемме класс- влакым мотор йӧнан кумдыкыш савыраш жап шуын. Школышто йоча- влакым военно-патриот шӱлышеш шуарыме пашалан кугу тӱткыш ойыралтеш. Молан манаш гын, тудо Совет Ушемын Геройжо Василий Архиповын лӱмжым нумалеш.
Фото: Йошкар-Ола администраций.
Фото: Йошкар-Ола администраций.
