Кӱкшӧ технологиян промышленный продукцийым лукмо шотышто консорциумын проектшым ыштыме йодышым каҥашыме

                  Марий Элын экономически вияҥмаш министерствыштыже кызытсе жаплан келшыше кӱкшӧ технологиян промышленный продукцийым лукмо шотышто консорциумын проектшым ыштыме йодышым каҥашыме. Промышленность министр Станислав Крылов «МНИТИ» акционер ушем да «Ната- Инфо» ушемын еҥышт дене пашаче вашлиймашым эртарен. Тушто Марий Элысе оборонный предприятий комплекслаште элысе видеоувер системым  ямдылыме да ыштен лукмо шотышто консорциумым ыштыме йодыш- влакым ончымо. Тиде проект граждан пайдалыклан да моло вереат кучылташ лийме кӱкшӧ технологиян производствым вияҥдаш келшыше йӧным ыштымашке виктаралтын. Тидыже оборонный предприятий комплексыште утларак продукцийым лукташ полшышаш. Станислав Крылов палемден: LED технологий негызеш элысе видеоувер системым лукташ задачым шыҥдарымаште Российысе вӱдышӧ компаний- влакын куатыштым ушымашым сайлан шотлена. Тиде мемнан предприятий- влаклан элысе рынкыште йот элласе производитель- влак дене таҥасен кертше лияш ӱшаныштым кугемда. «МНИТИ» ЗАО – «Москосо научшо-шымлыше телевизионный институтын»  еҥже- влак тиде пашашке ушнаш ямде улмыштым ончыктеныт.

Прошлые выпуски