Теҥгече самырык тукымлан ятыр мероприятий эртен

                   Теҥгече Йошкар-Оласе Сеҥымаш паркыште «Даешь молодёжь» флешмоб эртен. Тудо паркыш толшо чыла еҥым авалтен. Тӱшка куштымаш шотышто инструктор да весела сем иктымат ӧрдыжеш коден огыл. Тӱрлӧ куштымаш- влакым куштен онченыт. А Ленин лӱмеш тӱвыра полатыште «Республика» команде дене пырля брейк-данс дене мастер-класс эртен. Виш занятий ден мастер классым Республике команде дене «Найрият» эрвел куштымаш школ ден «Ясмин» тыгаяк куштымаш студий пырля эртареныт. А Йошкар-Оласе Воин чап пӧлкаште самырык- влак «Сеҥымашын символжым» шке кид дене ыштымашке погыненыт, Йошкар-Олан историй тоштерыштыже йошкин пырыс- влакым чиялтыме мастер-класс лийын. Сергей Карякинын шахмат школыштыжо Олан первенствыже эртаралтын. Спорт туризм дене ече таҥсымаш эртен.  Тудо Корта ече базыште тиде таҥасымаш дене Республикысе Чемпионатын кокымшо кечыже радамыште лийын. Нылымше класс дистанцийыште 40 эн виян спортсмен ӱчашен. 4-ше 5-ше февральыште «Корта» базыштак тунемше- влак коклаште ече дене Марий Элын Первенствыже эртышаш.

Прошлые выпуски