Социал страхований фонд тенийлан йоча- шамычлан пособийын эн кӱшыл кугытшым каласен
Социал страхований фонд тенийлан йоча- шамычлан пособийын эн кӱшыл кугытшым каласен. Тений йоча- влаклан ик ият пелыш шумешке тылзе еда тӱлымӧ пособийын кугытшо 29 тӱжемат 600 теҥге лиеш, а эн изиже тудым индексироватлымеке, икымше февральыште пале лиеш. Кызыт тылзеш 6 тӱжемат 752 теҥгем тӱлат. Ведомствыште тидымат рашемдат: пособийын кугытшо пытартыш кок ийлан еҥын кокла пашадарже деч шога да тудын 40 процентше лиеш. Но тудо кугыжанышын пеҥгыдемдыме эн изи да эн кугу размер деч уто лийын ок керт. Кӧн 2019-ше 2020-шо ийыште кокла пашадарже 73 тӱжем теҥге деч шагал лийын гын, нуно эн кугу пособийым налыт. Пособийым налаш ача-ава кокла гыч иктыже але коча ден коваже возыктен кертыт. Ынде нунат йочам ончымо отпускыш каяш праван улыт. Ешын еҥже- влак декрет отпускышто черет дене лийын кертыт: мутлан кажныже пел ий дене. Йыгыр да утларак йоча шочеш гын, отпускыш вигак кок еҥат каен кертеш.
