Йошкар-Олаште Перинатал рӱдерым идалык мучаш марте сдатлыме лиеш
Йошкар-Олаште Перинатал рӱдерым идалык мучаш марте сдатлыме лиеш. Социал кӱлешан объект- влакым Марий Элым вуйлатыше Александр Евстифеев шке контрольыштыжо куча. Тиде гана тудо Перинатал рӱдерым чоҥымаште лийын. Паша тушто тичмаш куатын кая. Ойырымо оксан 40 процентшым кучылтмо. Кызыт пӧлемла кокласе пырдыжым кермыч дене оптат, кокымшо- кумшо пачашысе тӱжвал пырдыжым шокшемдат, окна ден витаржым шындат, леведышлан изоляцийым, ырыктыме системым, вентиляцийым ыштат, тӱжвал электросетьым шупшыт. 2020-шо 2021-ше ийлан палемдыме лимит ик миллиардат 650 миллион теҥге. Январь тӱҥалтышлан 700 миллион теҥгем ойырымо. Оборудованийым кондашат контарктым ыштыме. Тений декабрь мучашыште объектым пашаш налаш палемдыме. Мартыште зданийыш шокшым пуат. Тунам кӧргӧ отделке пашамат тӱҥалаш лиеш. Республикым вуйлатыше пашан кузе кайымыжым сайын аклен да шушаш ийын перинатал рӱдер икымше пациент- влакым вашлиеш манын ӱшаным каласен.
