Шке кумылын тулым йӧртышӧ- влак мастарлыкыштым тергат

Шке кумылын тулым йӧртышӧ- влак мастарлыкыштым тергат
Таче Медведево посёлкыш добровольный пожарный дружина- влак чумыргеныт. «Олимп» стадионышто тыгай дружина- влакын республике кӱкшытан смотр-конкурсышт эрта. Тушто шке кумылын пашам ыштыше эн сай пожар команде ден дружиным ойырат. Кодшо ийын эн сай командылан нефтепровод виктемын командыжым шотлымо ыле, эн писыже Морко районын доброволецше- влак лийыныт. Тений сеҥыше- влакын лӱмышт варарак пале лиеш. Тений идалык тӱналтыш гыч шке кумылын ушнышо пожарный- влак 169 гана тулым йӧртымашке лектыныт, 9 гана шкевуя йӧртеныт. Июльышто гына 12 гана тулым йӧртымашке миеныт.

Прошлые выпуски