Коронавирус дене черланыше- влак дене пашам ыштыше врач-влаклан кумылаҥдыме оксам пуат
Марий Эл федерал бюджет гыч медицина пашаеҥ- влаклан кумылаҥдыме оксам тӱлаш 60 миллион утла теҥгем налеш. Юл кундемысе чыла регион- влаклан федерал бюджет ик миллиардат пеле теҥге оксам ойыра. Тиде шийвундым коронавирус дене черланыше еҥ- влак дене пашам ыштыше медицина пашаеҥ- влаклан пуат. Эн шуко оксам Башкирий ден Пермь край налыт, эн шагалым – Ульяновск область ден Мордовий. Марий Элыш 61 миллионат 291 тӱжем теҥге толеш. Келшыше документым Россий правительствым вуйлатыше Михаил Мишустин пеҥгыдемден.
