СОБР-ын сотрудникше- влак шке йолташыштым огыт мондо

СОБР-ын сотрудникше- влак шке йолташыштым огыт мондо
Йошкар- Олаште ӱмыр лугыч лийше СОБР-ын сотрудникше, милицийын капитанже Дмитрий Логиновым шарныме лӱмеш мини-футбол дене турнир эртен. СОБР-ын оперуполномоченныйже Йӱдвел-Кавказ кундемыште служебный порысшым шуктымо годым вуйжым пыштен. Мероприятийыште Росгвардий виктемым вуйлатыше, СОБР-ын ветеранже да кызытсе сотрудникше- влак Юл кундем округысо моло кундемла гыч ӱжмӧ уна- влак лийыныт. Таҥасымаште Росгвардий виктемын кум командыже да Чуваший гыч команде моштымашыштым ончыктеныт. Футбол матч-влакын лектышышт почеш кубок Чувашийысе СОБР-ын командыжлан логалын, кокымшо верыште Марий Элысе СОБР-ын боецше- влак улыт. Кумшо верыш  республикысе вневедомственный охранын командыже лектын.

Прошлые выпуски