Социал контракт полышым пуа

               Йошкар-Олаште илыше тӱжем утла еҥ социал контрактым пеҥгыдемден. Йошкар-Ола администрацийын увертарымыж почеш, социал контракт- тиде окса шотышто нелылыкыш логалше еҥ- влакын чолган йӧным кычалме пашашт. Тыгай еҥ- влак социал контракт почеш кугыжаныш социал полышым налын, писынрак илыш кӱкшытыштым нӧлталыт да вара шке вуя парышым налаш тӱҥалыт. Тыге ты жаплан социал контрактым пеҥгыдемдыше тӱжемат 48 еҥ гыч 8-ыже шке пашажым почын, 172 еҥ уэш тунем лектын, 244- у пашам муын, 624 еҥ неле илыш гыч лекташ материальный полышым налын. Социал контрактым калыклан социал полышым пуышо рӱдер илен лекташ ситыше окса деч шагалрак парышым налше- влак дене ышта. Тиде оксан кугытшо кызыт лу тӱжемат 575 теҥгеш шуэш. Социал контрактым ыштымеке социал полыш рӱдерыш пашаш налме нерген возыман трудовой книжкам конден ончыктыман, вара тылзе еда пашам ыштыме шотышто справкым пуыман.

Прошлые выпуски