«Шӧртньӧ маске» Марий Элыш икымше гана толын

                   Сӱретче Сергей Таныгин «Золотая маска» театр премий дене палемдалтын. Историйыште икымше гана Марий Элысе театр «Шӧртньӧ маскым налын». Сергей Таныгин Российысе калыкле театр премийын лауреатше лӱмым Курчак театрыште шындыме «Йӱд орол» спектакльлан налын. Тиде этнофутурист мистерйым премийлан кум номинацийыште лукмо ыле: «Курчак театрыште эн сай спектакль», «Курчак театрыште режиссёрын эн сай пашаже», «Художникын эн сай пашаже». Кумшо номинацийыште награде Йошкар-Ола гыч сӱретчылан логалын.                      «Шӧртньӧ маска» фестивальын конкурс программыштыже «Курчак- влак» корно дене Моско, Санкт- Петербург, Улан-Удэ, Тольятти да Йошкар-Ола гыч шым театр участвоватлен. Эн сай режиссёр лӱмым Санкт-Петербург гыч, Эн сай спектакль семын Моско гыч паша сеҥен налыныт.

Прошлые выпуски