Таче ласкалыкым аралыше-влакын пайремышт

                       Таче эл кӧргӧ паша органын сотрудникше- влакын кечышт. Тушто кызыт пашам ыштыше да ветеран- влакым Марий Элым вуйлатыше профессионал пайремышт дене саламла. Таче ме кажне кечын шке илышыштым чаманыде тӱшка лӱдыкшыдымылыкым ыштыше, калыкын права ден интересыштым аралыше, порядке ден законым шуктымым эскерыше еҥ- влакым чапландарена. Правам аралыше органын сотрудникше- влак лӱддымылык, пеҥгыдылык да патырлык дене ойыртемалтыт. Тендан службым кӱлеш семын шуктымыда еҥ- влакын илышыштым утара да республикысе оперативный обстановкым контрольышто кучаш полша. Тений эл кӧргӧ паша органыште тыршыше- влакын сомылышт ешаралтын. Коронавирус шарлаш пуаш огыл манын, палемдыме мера- влакым шуктен толмым терген шогыман. Пӱтынь личный составлан шындыме задачым шуктымылан да эпидемиологий ситуацийым сайын кучымылан таум каласем. Пайрем кечын чылалан пиалым, пеҥгыде тазалыкым да  сурт кӧргӧ ласкалыкым тыланем,- ойлалтеш республикым вуйлатышын саламлымашыштыже.

Прошлые выпуски