«Элнан военный историйыштыже Российын регионжо- влак» теме дене шанче-практик конференций лиеш

                       Валериан Васильев лӱмеш йылмым, сылнымутым да историйым шымлыше марий институтышто «Элнан военный историйыштыже Российын регионжо- влак» теме дене Россий кӱкшытан шанче-практик конференций лиеш. Тудо 19-ше ноябрьыште 10 шагатлан тӱҥалеш. Тушто регионласе военный историйым шымлымаште палыдыме лаштык- влакым рашемдаш, шымлымаште регион- влакын рольыштым палемдаш, шымлыме тематикым кумдаҥдаш, калыкын историйым шарнымашыжым вияҥдаш полшымо задаче-влакым шындат. Российын акрет годсо жап гыч 20-шо курым марте сарзе историйжым канашаш тӱналыт.

Прошлые выпуски