Йӱдым коштшо 37 йочан ача-аваже штрафым тӱла
Полицейский- влак чарыме жапыште кугыеҥ- влак деч посна коштшо ийготыш шудымо 37 еҥым кученыт. Кодшо каныш кечылаште Йошкар-Олаште да районлаште «Йоча- влак йӱд олаште» кугу профилактике акцийым эртареныт. Нуно парк ден скварыште, стадион ден кудывечылаште, ужалкалыме верлаште, клуб ден дискотекылаште лийыныт. Тыге нуно тӱшка верлаште кугыеҥ деч посна лийше 37 самырык еҥым кученыт. Нунын ача-аваштым административно мут кучаш ыштыме. Тиддеч посна кок еҥлан подылшо улмыштлан мут кучаш палемдыме. Ушештарена: 18 ияш марте йоча- влак тӱшка верлаште кугыеҥ деч посна 22 гыч 6 шагат эр марте лийын огыт керт. Тиддеч посна коча ден кова, кока ден чӱчӱ, ака ден иза- влак законло представительлан огыт шотлалт.
