Стрит-артын «ФормАРТ» фестивальжын эн сай граффитижлан йӱклена
Стрит-артын «ФормАРТ» фестивальжын эн сай граффитижлан йӱклена. Тудо Юл кундем федерал округышто тӱҥалын. Проект финал йыжыҥыш лектын- эксперт да калык йӱклымашке. Кажне кумылан еҥ шкаланже келшыше паша верч оксам тӱлыде 8 800 301 50 23 номер дене йӱкшым 17-ше август марте пуэн кертеш. Тидын годым таҥасышын номержым икте гыч 14-ше марте ончыкташ кӱлеш. Йӱклаш ик гана гына лиеш. Мутлан, Башкортостанын «Путь знаний» пашажлан йӱклымӧ номер- икымше. Марий Элын «Проводник» пашаже кокымшо номеран. Тыге кажне 14 кундемын шке номерже уло. Йӱклымӧ деч ончыч граффитим кузе ыштыме дене, фото-видеоматериал ден фестивальын сайтыштыже формартпфо.ру сайтыште палыме лияш лиеш. Стрит-арт фестивальын лектышыже тудым торжественно петырымаште Киров олаште 25-ше августышто пале лиеш. Приз фондшо- 450 тӱжем теҥге. Икымше верлан 200 тӱжем теҥге логалеш, кокымшылан 150, кумшылан- 100 тӱжем теҥге.
Фото: Полпредын пресс-службыжо.
Фото: Полпредын пресс-службыжо.
