Шурным 19 процент кумдык гыч поген налме

Шурным 19 процент кумдык гыч поген налме
Республикым вуйлатыше правительствын еҥже- влак дене заседанийым эртарен. Тушто Россий кугыжаныш Тистын кечыжым эртарыме, Российысе чоҥымаш, илыме вер да коммунал озанлык министр Владимир Якушевын республикыште лиймыже нерген ойлымо. Республикым вуйлатыше министрын визитше деч вара документ- влакын ямде улмышт нерген йодын. Нуным федерал ведомствылаш Марий Элым социально-экономически вияҥдыме программым ышташ колтыман. Тиде сомылым шуйкалаш ок лий, манын тудо. Каҥашыме эше ик йодыш шурным погымаш дене кылдалтын. Ял озанлык министр Александр Гречихон увертарымыж почеш, юалге, ночко игечылан кӧра шурно варарк шуэш. 21-ше августлан шотлымаште пырчан культурым 24 тӱжем гектарыште тӱредме. Тидыже эше 19 процент гына лиеш. Кодшо ийын тиде жаплан 38 процент кумдык гыч поген нылме ыле. Тиде кечылаште Курык марий районышто регионысо пасун кечыжым эртарыме. Курык марий фермер- влакын пашашт Россий мучко чаплана. Сандене Пасун кечышкыже 9 регион гыч еҥ- влак толыныт. Эсогыл Башкортостан да Санкт-Петербург гычат. Александр Евстифеев тыгай темлымашым каласен: республикыште Пасун кечыжым эртарымашым йӱлашке савыраш да полшен шогаш кӱлеш. Шушаш ийын тушко шкеат мияш кумылым ончыктен.

Прошлые выпуски