Таче- Йоча- влакым аралыме Тӱнямбал кече

Таче- икымше июнь, кеҥеж тылзын икымше кечыже да Йоча- влакым аралыме Тӱнямбал кече. Тиде пайрем дене республикысе калыкым Марий Элым вуйлатыше Александр Евстифеев саламла. Тудо палемда: йӧратымаш дене ончен куштымо еҥ- влак пиалан лийыт. Ача-аван шокшыжо, туныктышо да воктене улшо еҥ- влакын полышышт йочалан шкалан ӱшаныше, пеҥгыде лияш, нелылыкым сеҥаш, илышыште чын корным ойырен налаш полшат. Элысе социал политикын тӱҥ корныжо ешым да йоча жапым аралымашке виктаралтын. Тидын нергенак ойлат Элым вуйлатышын нимо дене таҥастараш лийдыме кӱлешан решенийже- влак. Марий Элыште пытартыш жапыште социал инфраструктура чолган вияҥеш: йоча сад, школ- влак чоҥалтыт, спорт зал да ешартыш шинчымашым пуышо рӱдер- влак олмыкталтыт. Тидлан Президент Владимир Путинын тӱҥалме калыкле проект-влак полшат. Ача- ава, туныктымо тӧнежлаште тыршыше, воспитатель- влаклан кажне кечын шуктымо пашаштлан кугу тау. Республикысе чыла калыклан, поснак йоча- влаклан, пеҥгыде тазалыкым, улан илышым, сеҥымаш- влакым да сай кумылым тыланем,- ойлалтеш республикым вуйлатышын саламлымашыштыже.

Прошлые выпуски