Таче Йошкар-Олаште олтымо тургым тӱҥалын
Таче Йошкар-Олаште олтымо тургым тӱҥалын. Шокшым пуымо дене пачерыштыда йодыш лектын гын, шкендан виктарыше компанийыш йодыш дене лекташ кӱлеш. Лач тудо уэш чӱктен да пӧртыштыда системым виктарен кертеш. Шуко пачеран пӧртлаште илыше- влаклан ушештарена: пытартыш пачашыште ырыктыме системе гыч южым луктын колташ краным ыштыме гын, виктарыше компанийын специалистше- влакым южым лукташ пуртышаш улыда. Виктарыше организаций нимомат ок ыште гын, департаментыш шокшо телефон линий дене йыҥгыртен кертыда. Номерже: 8 902 465 01 21. Йодмашым кодымо годым лӱмнерым, раш адресым, телефоным увертараш ида мондо. Тыгак шокшо уке нерген уверым рашемдан каласыман.
