Тазалыкаралтыш министерствыште Силикатный посёлкышто врач- влакым шагалемдыме нерген уверым умылтареныт
Тазалыкаралтыш министерствыште Силикатный посёлкышто врач- влакым шагалемдыме нерген уверым умылтареныт. Посёлкышто у амбулаторийым чоҥымеке, медицина тӧнежыште врач ден медперсоналым шагалемдыме нерген ойлаш тӱҥалыныт. Пуйто медицина пашаеҥ- влакын ужашышт ик пашамак ыштат. Тыгай увер верысе калыкым тургыжландараш тӱҥалын да нуно уремыш лектын шке врачыштым аралаш тӱҥалыныт. Ситуацийыш тазалыкралтыш министерстве ушныде кертын огыл. Калык дене вашлиймашым эртарыме да чыла йодышым каҥашыме. Вашлиймашышке Медведево район администарцийым вуйлатыше, районысо рӱдӧ эмлыме верын тӱҥ варчше, Кундыш ял администрацийым вуйлатыше миеныт. Республикысе тазалыкаралтыш министрын пашажым шуктышо Татьяна Бастракова Силкиатныйыште медицина полышым пуымо чыла ойыртем нерген ойлен, йодыш- влаклан вашештен. Эн тӱҥжӧ врач- влакым да медицина персоналым шагалемдыме нерген манеш- манешым шӧрен ойлен. Тиддеч посна посёлкысо калыклан медицина полышым пуымо йодышым шке контрольышкыжо налын.
Фото: Тазалыкаралтыш министерстве.
Фото: Тазалыкаралтыш министерстве.
