Марий Эл Правительстве 2030-шо ий марте чыла ола округ ден муниципал районлаште самырык- влакын рӱдерыштым ышташ шона
Марий Эл Правительстве 2030-шо ий марте чыла ола округ ден муниципал районлаште самырык- влакын рӱдерыштым ышташ шона. Республикыштына кугыжаныш молодёжный политикым шыҥдарыме да лишыл вич ийлан тудын ончыл задачыже- влакым Республикым вуйлатыше пелен ыштыме Советын икымше заседанийыштыже каҥашыме. Самырык- влак полат негызеш шуко фукциян рӱдерым почмо. Тушто самырык- влак программе ден проект, патриот шӱлышеш шуарыме, медиа да коммуникаций подразделений- влак да добровольчествылан полшышо ресурс рӱдер чолган пашам ыштат. Тушто идалык мучко 500 утла мероприятий ден акций эртаралтеш. Тушко 120 тӱжем утла самырык еҥ ушна. Республикыште самырык тукымым патриотизм шӱлышеш шуарыме пашам ончыл верыш шындыме. Самырык- влакым юнармий толкыныш ушымо дене регион Юл кундем округышто визымше верым айла да элысе 20 эн сай субъект радамыш пура. Самырык политике комитетым вуйлатыше Станислав Игошин палемден: муниципал да регион кӱкшытыштӧ самырык еҥлан моштымашыжым илышыш ышҥдараш, шке цельышке шуаш, шонымашым шукташ йӧным ышташ кӱлеш. Тидлан республикыште кажне район ден ола округышто самырык рӱдер- влакым ышташ темлыме. Советын заседанийыштыже статс-секретарь- самырык- влакын пашашт шотышто федерал агентствым вуйлатышын алмаштышыже Денис Аширов участвоватлен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
