Ширяйковышто илыше- влак Луначарский уремыште троллейбусым ужмеке, ӧрыныт

Ширяйковышто илыше- влак Луначарский уремыште троллейбусым ужмеке, ӧрыныт
               Ширяйковышто илыше- влак Луначарский уремыште троллейбусым ужмеке, ӧрыныт. Кугыжаныш Погынын депутатше Александр Афанасьевын тӱҥалтышыже почеш да «Троллейбус транспорт» предприятий директорын алмаштышыже Лев Алексеевын поддержатлымыже дене Луначарский урем дене тергыме шот дене тролейбусым колтымо. Кызыт троллейбус транспорт предприятий КамАЗ-ыште лукмо у техникым терга. Ола уремлаште коштыктен ончымо деч вара погымо уверым шымлат да у троллейбус- влакын маршрутыш лекмышт шотышто решений лукталтеш. Ширяйковышто илыше- влак троллейбусым 40 ий утла вучат. Тиде гана троллейбус икымше гана толын. Толын контакт сеть деч посна, кужу корным автономно коштын кертше троллейбус. Кок тылзе жапыште троллейбус шкенжым сайын ончыкта, оласе калыклан келша. Троллейбус сеть деч посна нылле меҥге наре кужытыш каен кертеш. Кызыт контакт сетьым ыштыдыме у микрорайнлаште технике тергымашым эрта. Ширяйковыш троллейбусым колташ шонымаш Йошкар-Ола КПСС горкомышто эше 1984-ше ийыштак шочын. 2006-шо ийыште тяговый подстанцийымат чоҥымо. Но кажне гана, тӱрлӧ амаллан кӧра, сетьым чоҥымо паша шӱкалалтын.
              Фото: ВНД.

Прошлые выпуски