Теҥгече Козьмодемьянскыште Андрей Эшпайын 100 ияш лӱмгечыжлан пӧлеклалтше торжественный мероприятий- влак эртеныт
Теҥгече Козьмодемьянскыште Андрей Эшпайын 100 ияш лӱмгечыжлан пӧлеклалтше торжественный мероприятий- влак эртеныт. Тудын лӱмеш мемориал оҥам почмо. Андрей Яковлевич Эшпай 1925-ше ийын 15-ше майыште Козьмодемьянскыште шочын. Эргын кок ияш улмыжо годым ешыже Москош илаш куснен. Тудо изиж годсек семлан шӱман улмыжым ончыктен. Туныктышо- влакым семым колын да шижын моштымыжо дене ӧрыктарен. Козьмодемьянскыште йоча сымыктыш школ тудын лӱмжым нумалеш. Тудын шочмо да тӱҥалтыш кок ийым илыме пӧртшӧ Чернышевский уремысе, 43-шо пӧрт улеш. Лач тушто мемориал оҥам почмо. Ола администрацийым вуйлатыше Михаил Козлов ушештарен: 2023-шо ийыште олаште Андрей Эшпай лӱмеш у скверым почмо.
Фото t.me/admkozm
Фото t.me/admkozm
