Тений «Ӱдыр сий» марий конкурс онлайн формат дене эрта
Тений «Ӱдыр сий» марий конкурс онлайн формат дене эрта. Усталык таҥасымашке республикысе районла да марий – влакын тӱшкан илыме кундемла гыч 18 гыч 25 ияш марте ӱдыр- влак ушнен кертыт. Нуно икмыняр видеоматериалым ямдылышаш улыт. Тиде- «Мый марий ӱдыр улам» визитке, марий йӱла пайремым ончыктымаш да марий костюм дене сценыште дефиле. Материалым 27-ше октябрь марте марий тӱвыра рӱдерын сайтышкыже колтыман. 20-шо октябрь марте марий вургемым чийыман кум фотосӱретым колташ кӱлеш. 20-шо гыч 26-шо октябрь марте интернетыште социал сетьлаште нунын верч йӱкым пуаш лиеш.
