Тений кеҥежым Марий Элыште палаткан 6 лагерьым почыт
Тений кеҥежым Марий Элыште палаткан 6 лагерьым почыт. Йоча да подростко- влакын тазалыкыштым пеҥгыдемдыме кампаний лишемеш. Ончылгоч шотлымо почеш тений республикыште 204 тазалыкым пеҥгыдемдыме тӧнеж пашам ышташ тӱҥалеш. Тушто 23 тӱжемат 913 йоча каналтышаш. Тиде 19 ола деч ӧрдыжсӧ сационар организаций, 179 школ пеленысе да палаткан 6 лагерь. Тазалыкым пеҥгыдемдыше кеҥежымсе чыла организацийжат кочкыш сырье ден продуктым ситарашлан ойпидышым кылденыт. Лагерь да школ дене пашам ыштыше опытан 25 поставщикым палемдыме. 162 каныме тӧнежыште йоча- влаклан кочкаш шке ямдылат, 42-ыштыжо ӧрдыж организаций- влак. Кум тӱжемат 720 должностной еҥ гыч 99 процентше медосмотрым эртен. Чыла ола деч ӧрдыжсо лагерьыште коля да пудий ваштареш кучедалме пашам шуктымо. Кенеж мучко чыла лагерьымат терген шогаш тӱҥалыт.
