Тений олмыктымо корным лабораторий терга

                      Марий Элыште тений олмыктымо корнын качествыжым кусныл коштшо корно лабораторий терга. Тудым «ГАЗель» автомобиль негызеш ыштыме да контактдыме висыше оборудований, ныл видеокамера, телескопический мачте да ГЛОНАСС датчик дене пойдарыме. Тудо корнын могай улмыж нерген уверым погаш полша. Онлайн режимыштак корно шартышын ситыдымашыжым, начар улмыжым, тӧр огыл вержым ончыкта. «Марийскавтодорым» вуйлатышын корнышто коштмо  лӱдыкшыдымылык шотышто алмаштышыже Александр Юсков палемден: лабораторийын видеокамерыже- влак корнын параметржым, корно палым да моло объектым, панорамный сӱретым возен налыт. ГЛОНАСС датчик налме уверым посна вер-шӧр деке кылда. Кусныл коштшо лабораторий олмыктымо 170 меҥге кужыт корнышто олмыктымо 48 участкым терген лектын. Нуно диагностикым сайын эртеныт да кугыжаныш комиссий эксплуатацийыш налын.

Прошлые выпуски