Изирак- влак корнышто коштын моштымыштым терген кертыт

                        Россий мучко школышто тунемше- влаклан корнышто шкем лӱдыкшӧ деч посна кучымо шотышто «Лӱдыкшыдымӧ корно» онлайн- олимпиада тӱҥалеш. Проект 30-шо ноябрьыште вийым налеш. 30-шо ноябрь гыч 11-ше декабрь марте Учи.ру туныктымо платформышто 1-ше-4-ше класслаште тунемше- влак шинчымашыштым ончыктен кертыт.  Олимпиадым «Калыкле приоритет- влак» автоном коммерцийдыме организаций Россий МВД-н ГУОБДД, Минтранс да Росавтодор дене пырля эртарат. Кок ий жапыште йоча да каныме тӧнеж деке намийыше тӱжемат 400 корным олмыктымо. Объектлаште у светофорым да корно палым, саварым вераҥдыме. Школ да йоча садла воктене корно- влак лӱдыкшыдымырак лийыныт гынат, ДТП-ым шижтарыме кӱлешан мерылан профилактике шотлалтеш. Транспорт кажне ийын шукем шога, сандене йоча- влакым корнышто шкем кузе кучаш туныктымаш Кугыжаныш автоинспекцийын пашаенже, туныктышо шамычан да ача- ава- влакын тӱҥ задачышкышт савырна. Онлайн- олимпиада элысе 85 субъектыште эрта. Тушко изи класслаште тунемше кеч-могай йоча регистрироватлалтын да ушнен кертеш.

Прошлые выпуски