Таче кугурак ийготан- влак Йошкар-Олан историй тоштерышкыже яра пурен кертыт
Таче Йошкар-Оласе историй тоштерын воин чап пӧлкаштыже илалаше- влакын тӱҥямбал кечышт лӱмеш «Виш омса кече» эрта. Кажне толшо еҥ пенсий удостоверенийым ончыктен, экспозиций- влакым яра ончен кертеш. Ушештарена: Сеҥымашын 60 ияш лӱмгечыжлан 2005-ше ий 8-ше майыште тоштер пелен воин чап пӧлкам почмо ыле. Кызыт тоштерын фондыштыжо 24 тӱжем утла экспонат уло. Нуно олам негызлыме гыч тӱҥалын, тачысе кече марте илыш нерген каласкалат.
