Республикысе ял озанлык предприятий- влак шке сатуштым Москошто ончыктат
Октябрь тӱҥалтышыште Москошто Агропромышленный комплексын арняже кышкарыште паша вашлиймаш, выставке, тӱвыра мероприятий- влак эртат. Ял озанлык министерствын увертарымыж почеш, тушто икымше Тӱнямбал агропромышленный форум, ВДНХ кундемыште Россий кӱкшытан 21-ше «Шӧртньӧ шыже» выставке, Йошкар площадьыште калыкле гастрономий фестиваль, Кугыжаныш Кремль полатыште ял озанлыкыште тыршыше- влакын кечыштлан пӧлеклалтше кугу концерт лийыт. «Шӧртньӧ шыже»- ял озанлык сатум ыштен лукшо- влакын сеҥымашыштым оныктышо эн кугу экспозиций. Тушко Россий да йот элла гыч кок тӱжем утла предприятий ден организаций шке пашаштым кондат. Марий Элын предприятий ден организацийже- влакат конкурс программыште участвоватлат. Ушештарена: кодшо ийын «Шӧртньӧ шыже» гыч Марий Эл 36 медальым конден ыле. Тушечын 29-ыже шӧртньӧ, 4-ше ший да 3-шо той медаль.
