Скульптор- влак ешын ончерже почылтеш

Скульптор- влак ешын ончерже почылтеш
Шушаш вӱргечын, 2-шо октябрьыште, калыкле художественный галерейыште скульптор- влак еш Галина ден Анатолий Медведевмытын посна лӱмгече выставкышт почылтеш. Тушто тӱрлӧ йӧн да жанр дене ыштыме пашашт ончыкталтеш. Галина Анатольевна Оренбург кундемыште шочын. Марийже Анатолий Васильевич семынак Пенза оласе художественный училищым тунем пытарен. Нуно Йошкар- Олашке илаш толыныт да марий кундемын усталык илышышкыже ушненыт. Галина Медведева станковый портрет дене шукырак пашам ышта. Анатолий Медведев скульптурышто портрет жанрым йӧрата. Шуко жапым монументально-декоративный скульптурылан ойыра. Тудын ыштыме чапкӱ- влак республикысе посёлкыла ден райрӱдӧ- влакым сорастарат. Пырля ыштыме ятыр пашашт Эрик Сапаев лӱмеш опера да балет театрыште вераҥдалтыныт.

Прошлые выпуски