Приволжский посёлкышто шушаш шыжылан ФОК-ым чоҥен шуктышаш улыт

Приволжский посёлкышто шушаш шыжылан ФОК-ым чоҥен шуктышаш улыт
Волжский районысо Приволжский посёлкышто физкультура да тазалыкым пеҥгыдемдыме комплексым чоҥен пытарыме пашам республикым вуйлатыше шке контрольыштыжо куча. Александр Евстифеевын эртарыме черетан совещаний тиде темылан пӧлеклалтын ыле. Мутланымаште правительствын, чоҥымаш да спорт министерствылан еҥышт, «Газпром трансгаз Нижний Новгород» ушемын филиалже- Волжскысо  магистраль газпуч-влак виктемым вуйлатыше Леонид Феофанов лийыныт. Лач ик тылзе ончыч Марий Эл правительстве ден «Газмпром трансгаз Нижний Новгород» ушем коклаште ФОК-ым чоҥен пытараш Газпромын 145 миллион утла оксам ойыраш лиймыже шотышто соглашенийым пеҥгыдемдыме ыле. Кызытсе жаплан объектын 58 процентшым ыштыме. «Газпромым» вуйлатыше- влак тылзе еда ыштыме пашалан отчётым йодыт. Шушаш ийын шыжылан нуным ФОК-ым почмашке толаш ӱжмӧ. Сандене графикым чаткан шуктыман,- каласен республикым вуйлатыше. Леонид Феофановын мутшо почеш чоҥымаш да спорт министерствыла дене кыл кӱрылтде кучалтеш, чыла йодыш жапыштыже виктаралтеш.

Прошлые выпуски