«Абилимпикс» чемпионат почылтеш
Эрла да кумышто инвалид да начар тазалыкан- влак коклаште профессионал мастарлыкым тергыме «Абилимпикс» регионысо кумшо чемпионат лиеш. Тушто школышто тунемше, студент да специалист- влак 17 специальность дене мастарлыкыштым ончыктат. Таҥасымаш- влак Марий политехнический техникумышто, строительно-промышленный техникумышто, Йошкар-Оласе технологий колледжыште да Йошкар-Оласе медицина колледжыште эртат. 85 эксперт 116 конкурсантын пашажым аклаш тӱҥалеш. Сеҥыше- влакым кумшо октябрьыште палемдат. Нуно республикын чапшым визымше калыкле чемпионатыште Москошто аралаш тӱналыт. Тудо 17-ше гыч 22-шо ноябрь марте эрта.
