Тунеммашым мучашлыше спецоперацийын ветеранже- влак кугыжаныш виктем органлашке пашаш пурен кертыт,- каласен Юрий Зайцев

Тунеммашым мучашлыше  спецоперацийын ветеранже- влак кугыжаныш виктем органлашке пашаш пурен кертыт,- каласен Юрий Зайцев
           Тунеммашым мучашлыше  спецоперацийын ветеранже- влак кугыжаныш виктем органлашке пашаш пурен кертыт,- каласен Юрий Зайцев. Марий Элым вуйлатыше СВО-н участникше да ветеранже- влакым лӱмын туныктымо «Марий Элын Геройжо-шамыч. Талешке- влак» регионысо кадр программын Общественный советшын заседанийжым эртарен. Тиде программе «Герой- влакын жапышт» федерал программе семын шыҥдаралтеш. Тудын участникше- влак тунемын лекше спецоперацийын ветеранже- влак кугыжаныш виктем органлашке да республикысе предприятийлашке пашаш пураш ӱшаным кучен кертыт,- палемден Юрий Зайцев.
            Март ден апрельыште регионысо кадр программыш регистрацийым да проектын сайтыштыже тестированийым 200 наре участник эртен. 15-ше май гыч ик тылзе мучко  аклыме да ойырен налме шотышто эксперт- влак собеседованийым эртареныт, лектышым лончыленыт, вуйлатыме опытым акленыт, кугыжаныш наградышт улмым онченыт. Вес йыжыҥыш 90 претендент лектын. Тичмаш уверым погымо, кӱлеш тергымашым эртарыме. Кажне претендент дене собеседованийым Правительстве вуйлатышын икымше алмаштышыже Евгений Курмаев шке эртарен.
             Общественный советын заседанийыштыже «Марий Элын Геройжо-шамыч. Талешке- влак» кадр программыш путаш темлыме участник- влакын спискыштым ыштыме. Палемдыме шуэш: ойырен налме мероприятийым сайын эртыше, но кызытеш сарыште улшо участник- влак программын резервышкыже пурталтыт да мӧҥгӧ пӧртылмеке, вес наборлаште ойырен налме йыжыҥым эртыде вигак тунемаш тӱнал кертыт,- палемден шке докладыштыже Республикым вуйлатышын администрацийжым вуйлатыше Лидия Батюкова. «Марий Элын Геройжо-шамыч. Талешке- влак» программе ныл модуль гыч шога, ик ийлан келыштаралтын да сентябрьыште тӱҥалеш. Тунемме почеш уэш профессионал ямдылалтмашым эртыме нерген диплом пуалтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски